Cobiza: Xoias en Compostela

A cobiza é o desexo de obter máis riqueza, diñeiro e outros bens materiais dos que se necesitan, para destacar por riba dos demais.

Dende tempos inmemoriais, a parte de posuír valores máxicos e relixiosos, as xoias sempre foron símbolo de posición social, de riqueza ou de rango oficial. Na actualidade quen loce unha alfaia busca, ademais da súa beleza persoal, transmitir unha imaxe de opulencia. De aí que moitas persoas recorran á adquisición de xoias para transmitir unha imaxe que en ocasións non se corresponde coa realidade.Achegámonos a dúas xoierías compostelás para coñecer de primeira man o seu traballo e o mundo das xoias.